訪問遭狂窒 杜汶澤嬲爆掟咪走人:唔畀自己受呢啲閒氣!

藝人杜汶澤對於不滿的事絕不啞忍,昨日(21號)他在社交網留言炮轟網站記者態度有問題,更讓他入行25年來首次訪問途中掟咪離開,他直言:「我老喇,唔會比(畀)自己再受呢啲閒氣!一秒鐘都唔會。」

你鍾意點剪就點剪啦

杜汶澤透露由以前亞視的好兄弟穿針引線接受網站記者訪問,由於杜汶澤的網上新節目以「性」為主題,該記者竟寸爆反問「咁點解講性先?係咪想用性嚟引人睇先?」、「嚇四十五歲仲有嘢好奇?」、「咁你唔對男人好奇?」、「咁你個台有乜賣點先?」,正因為對方的語氣及說話問題,令杜汶澤忍無可忍:「你又句句窒頭窒勢,語氣又差……過程中我已經盡量忍讓。點知佢仲唔識死…….我嚟見工呀依家?你咁嘴gel gel做乜X啫?有乜好處吖?」最後杜汶澤選擇訪問途中除咪離開,更揚言:「你鍾意點剪就點剪啦!我條命硬過鐵,你剪我唔死咖(㗎)!」

廣告-請繼續往下閱讀

廣告-請繼續往下閱讀

流動新聞 news.modia.com.hk

杜汶澤Facebook留言

   杜汶澤Facebook留言