陳凱琳向江若琳取經籌備婚禮 同鄭嘉穎好事近?

陳凱琳日前同江若琳、田蕊妮一齊出席護膚品牌活動,期間見佢同江若琳特別好傾,不時咬耳仔密密斟,問陳凱琳係咪向正籌備婚禮中嘅江若琳取經?佢笑言:「我有關心佢哋個婚禮嘅嘢,知係12月23號舉行!」

撰文:東方新地|圖片:新傳媒圖片庫、陳凱琳IG

陳凱琳 第一次見江若琳

陳凱琳話今次同江若琳係第一次見面,所以特別多嘢傾:「我本身都識Oscar(江若琳未婚夫蕭潤邦),之前探班Oscar都有送小籠包嚟請大家食。我有關心佢哋個婚禮,知係12月23號舉行,同埋知佢開咗間麵店。」而問佢會唔會喺男友鄭嘉穎面前素顏,佢就話:「睇場合啦,我出街出騷就會化妝,平時喺屋企會簡單啲素顏。」

廣告-請繼續往下閱讀

由 New Media Group Digital Services Limited 提供

陳凱琳

陳凱琳直言有八卦江若琳點樣籌備婚禮。

廣告-請繼續往下閱讀

由 New Media Group Digital Services Limited 提供

陳凱琳

陳凱琳同鄭嘉穎拍拖三年,唔知幾時好事近?

江若琳有選擇困難症

而江若琳就話自己對婚禮其實冇乜計劃:「因為每日都變緊,女人嘅嘢五時花六時變,好在都有朋友幫手做決定。緣分到時,婚禮到啦!」問佢揀咗婚紗未?佢表示:「我有選擇困難症,所以揀咗好多條裙,有5至6套,不過之後都會留番畀造型師再去篩選。」

廣告-請繼續往下閱讀

由 New Media Group Digital Services Limited 提供

江若琳 陳凱琳

江若琳話自己有選擇困難症,所以現時已經為婚禮揀咗5、6套婚紗。

廣告-請繼續往下閱讀

由 New Media Group Digital Services Limited 提供

江若琳 陳凱琳

講到新開嘅麵店,江若琳指未婚夫蕭潤邦最近玩即興試業:「好在夜市都坐爆,同埋都有人喺舖頭出面排隊。」

田蕊妮 說話要溫柔

除咗陳凱琳同江若琳外,幸福靚太田蕊妮都有份出席活動,問到佢老公杜汶澤攞唔到金像獎有冇失望?佢話:「我諗我失望多啲,因為我比較緊張,宣布時我仲捉住佢隻手!」佢又指最近正忙於錄新碟,不過因為聲帶問題令進度有啲延誤:「可能我有時拍戲太激動,令聲帶有少少變厚咗,醫生要我一個月唔好講嘢,對我嚟講真係冇可能,所以我冇理到佢。不過我依家會溫柔啲咁講嘢,因為要養聲。」

廣告-請繼續往下閱讀

由 New Media Group Digital Services Limited 提供

江若琳 田蕊妮 陳凱琳